Impjant Kontraċettiv

Is-Saħħa Sesswali u Riproduttiva

X'inhu l-impjant kontraċettiv?
L-impjant kontraċettiv huwa virga flessibbli żgħira li titqiegħed taħt il-ġilda fil-parti ta' fuq ta' dirgħajk minn tabib.

 

 

Kif jaħdem l-impjant kontraċettiv?
Dan jirrilaxxa l-ormon proġestoġen fiċ-ċirkolazzjoni tad-demm tiegħek u jaħdem għal 3 snin. L-impjant jipprevjeni t-tqala billi:

  • Jwaqqaf l-ovulazzjoni.
  • Jagħmel l-endometriju diffiċli għall-impjantazzjoni; jagħmlu irqiq biex ikun inqas probabbli li jaċċetta bajda fertilizzata.
  • Jagħmel il-mukus tal-għonq tal-utru impenetrabbli għall-isperma.


Kemm hu effettiv l-impjant kontraċettiv?
L-impjant huwa effettiv aktar minn 99%. Dan ifisser li inqas minn utenta tal-impjant waħda minn 100 se toħroġ tqila kull sena.

Minn fejn nista' nikseb impjant?
Jista' jagħmel dan biss tabib imħarreġ biex idaħħal impjant.

Kulħadd jista' juża l-impjant?
Il-biċċa l-kbira tan-nisa jista' jkollhom impjant imwaħħal. Iżda, l-impjant jista' ma jkunx tajjeb għalik jekk:

  • Inti Tqila.
  • Ma tridx li jinbidel il-perjodu tiegħek.
  • Għandek każijiet imgħoddija ta' puplesija, mard tal-qalb jew mard arterjali.
  • Għandek jew kellek mard tal-fwied.
  • Għandek jew kellek kanċer tas-sider.


Meta jibda jaħdem?
Jekk m'intix tqila, jista' jkollok l-impjant fi kwalunkwe ħin matul iċ-ċiklu mestruwali tiegħek. Jekk l-impjant jiddaħħal matul l-ewwel ġranet taċ-ċiklu mestruwali tiegħek, inti tkun protetta kontra t-tqala. Jekk jitwaħħal fi kwalunkwe ġurnata oħra taċ-ċiklu mestruwali tiegħek, inti se jkollok bżonn protezzjoni addizzjonali bħal kondoms għal 7 ijiem.

Kif jiddaħħal jew jitneħħa impjant kontraċettiv?
Inserzjoni

  • Loppju lokalizzat (biex imewwet iż-żona) fuq in-naħa ta' ġewwa ta' fuq ta' dirgħajk.
  • L-impjant jiddaħħal taħt il-ġilda tiegħek.
  • Mhux se jkun hemm punti wara li jiddaħħal l-impjant tiegħek.

Tneħħija

  • L-impjant jista' jitneħħa fi kwalunkwe ħin minn tabib imħarreġ.
  • Loppju lokalizzat (biex imewwet iż-żona) fuq in-naħa ta' ġewwa ta' fuq ta' dirgħajk.
  • Qatgħa żgħira fil-ġilda tiegħek biex l-impjant jinġibed bil-mod 'il barra.


X'inhuma l-vantaġġi taċ-ċirku vaġinali?

  • Jaħdem għal 3 snin.
  • Ma jinterrompix is-sess.
  • Tista' tredda'.
  • Il-fertilità terġa' lura għan-normal hekk kif l-impjant jitneħħa.
  • Inaqqas il-qawwa u l-uġigħ tal-perjodu mestruwali.


X'inhuma liŻ-Żvantaġġi taċ-ċirku vaġinali?

  • Il-perjodi tiegħek jistgħu jkunu irregolari jew jieqfu għal kollox.
  • Jista' jkollok l-akne jew l-akne tiegħek tista' tmur għall-agħar.
  • Jista' jkollok effetti sekondarji temporanji matul l-ewwel ftit xhur, bħal uġigħ ta' ras, dardir, sensittività fis-sider u bidliet fil-burdata.
  • Ikollok bżonn proċedura żgħira biex jiddaħħal u jitneħħa.
  • Ma jipproteġikx kontra infezzjonijiet trażmessi sesswalment (STIs), għalhekk jista' jkollok bżonn tuża kontraċezzjoni addizzjonali (bħal kondoms) ukoll.


X'inhuma r-riskji taċ-ċirku vaġinali?
Żona lokali ta' infezzjoni tal-ġilda – fejn jiddaħħal l-impjant.

Għandek tkellem it-tabib tiegħek minnufih jekk:

  • Inti tqila.
  • Ma tistax tħoss l-impjant.
  • L-impjant jibdel il-forma.
  • Tibdil fil-ġilda jew tħoss uġigħ fil-parti fejn hemm l-impjant.


Jekk nieħu mediċini oħra dan jaffettwa l-impjant tiegħi?
Antibijotiċi
L-antibijotiċi li jintużaw b'mod komuni ma jaffettwawx iċ-ċirku vaġinali. L-antibijotiċi Rifampicin u Rifabutin (mediċini li jittrattaw it-tuberkulożi u l-meninġite) jistgħu jnaqqsu l-effettività tal-pillola kombinata. Jista' jkollok bżonn ta' kontraċezzjoni addizzjonali bħal kondoms waqt li tkun qed tieħu l-antibijotiku jew għal xi żmien wara. Antibijotiċi oħra m'għandhomx jaffettwaw.

Mediċina għall-epilessija u l-HIV, u trattament għall-fexfiex
Dawn it-tipi ta' mediċini jissejħu indutturi tal-enżimi (iħaffu t-tkissir tal-ormoni mill-fwied tiegħek) u jistgħu jagħmlu l-pillola inqas effettiva.

Nista' nara d-demm meta nibda ċ-ċirku vaġinali?
Iva, id-dmija hija komuni ħafna fil-bidu. Ara li qed tuża ċ-ċirku vaġinali skont l-istruzzjonijiet. Jekk qed tara dmija aktar min-normal jew jekk hija xi ħaġa li m'intix komda biha, kellem lit-tabib tiegħek.

Nista' naqleb għal metodu ieħor ta' kontraċezzjoni?
Iva, tista' tbiddel iċ-ċirku għal kontraċettiv ieħor. Kellem lit-tabib tiegħek għal parir u gwida kif xieraq.

Nista' ninqabad tqila meta nneħħi l-impjant kontraċettiv?
Meta tieqaf tuża l-impjant kontraċettiv, il-fertilità terġa' lura għal dik li hija normali għalik. Jista' jkun li ma jkunx hemm mestruwazzjoni minnufih, iżda għandha tiġi lura wara ftit xhur.

Nista' jkolli impjant imdaħħal wara korriment?
Jista' jkollok impjant imdaħħal immedjatament wara korriment.

Għadni kif kelli tarbija. Meta nista' nibda l-impjant?
Jista' jkollok l-impjant imdaħħal fi kwalunkwe ħin wara li kellek tarbija. Jekk bdejt wara 21 jum, għandek bżonn kontraċezzjoni addizzjonali bħal kondoms biex jipproteġuk mit-tqala jew evita s-sess għal kollox għas-7 ijiem li jmiss.

Kemm-il darba għandi mmur għal check-up?
It-tabib tiegħek jgħidlek meta jkun l-appuntament li jmiss.

Madankollu, tistennax għall-appuntament li jmiss jekk:

  • Taħseb li tista' tkun tqila.
  • Jista' jkollok STI jew HIV/AIDS.
  • Esperjenza ta' uġigħ qawwi fl-addome t'isfel.
  • Esperjenza ta' fsada jew sintomu ieħor imsemmi fir-riskji tal-impjant kontraċettiv.


Jekk għandi l-impjant kontraċettiv, jien protetta minn Infezzjonijiet Trażmessi Sesswalment?
Le, il-kondoms tal-irġiel u tan-nisa biss (meta jintużaw b'mod korrett u konsistenti) jipproteġuk mill-STIs.